Bakı. 7 oktyabr. REPORT.AZ/ Türkiyənin Antalya əyalətinin Dəmrə (Kale) rayonunda 5,5 bal gücündə zəlzələ baş verib.
"Report" xəbər verir ki, bu haqda Türkiyə mətbuatı məlumat yayıb.
Məlumata görə, hadisə yerli vaxtla saat 00.27-də (Bakı vaxtı ilə saat 02.27) baş verib.
Zəlzələnin ocağı 34,92 km dərinlikdə yerləşib.
İlkin məlumata əsasən, yeraltı təkanlar nəticəsində xəsarət alan və dağıntı olmayıb.
Lakin təşvişə düşən insanlar küçələrə axışıb.