Türkiyədə terrorçuların hücumu nəticəsində 2 hərbçi şəhid olub, biri yaralanıb

Bakı. 16 noyabr. REPORT.AZ/ Türkiyə-İraq sərhədində, Hakkari əyalətinin Şemdinli rayonunda 2 hərbçi şəhid olub, biri yaralanıb.

“Report” "Hürriyet"ə istinadən xəbər verir ki, hadisə Türkiyə Silahlı Qüvvələrinin hərbçiləri Derecik bölgəsində əməliyyat-axtarış tədbiri həyata keçirən zaman baş verib. 

Belə ki, terrorçu PKK qruplaşması İraqın şimalından əraziyə raket atıb. Yaralı hərbçi hospitala yerləşdirilib. 

Hazırda ərazidə genişmiqyaslı əməliyyat tədbirləri keçirilir.