Bakı. 19 iyul. REPORT.AZ/ Türkiyənin Trabzon şəhərinin Maçka rayonunda polis məntəqəsinə hücum nəticəsində ölənlərin sayı 3-ə çatıb.
"Report" Türkiyə KİV-inə istinadən xəbər verir ki, 3-ü polis olmaqla 4 nəfər yaralanıb.
Hadisə yerinə çoxlu sayda təcili tibbi yardım maşınları və polis qüvvələri gəlib.
Terrorçuların zərərsizləşdirilməsi istiqamətində əməliyyatlar davam etdirilir.
*** 11:04
Türkiyədə terrorçular polis məntəqəsinə hücum edib.
"Report" "Haber Türk"ə istinadən xəbər verir ki, Trabzonun Maçka rayonunda yerləşən polis məntəqəsinə təşkil edilən hücum nəticəsində 1 polis əməkdaşı həlak olub.
Məlumata görə, hücum zamanı 4 polis və 1 mülki vətəndaş yaralanıb.