Yuxarı
    Bağlamaq

    Türkiyədə sosial şəbəkə əməliyyatı: tutulanlar var

    Mikrobloq istifadəçiləri türkiyə prezidenti və nazirləri haqqında təhqir məzmunlu ifadələr yazıblar

    Bakı. 14 mart. REPORT.AZ/ Türkiyədə "twitter" sosial şəbəkəsində prezident Rəcəb Tayyib Ərdoğan, baş nazir Əhməd Davudoğlu, nazirlər və kəşfiyyat idarəsinin (MİT) rəhbərini təhqir edən istifadəçilərə qarşı əməliyyat həyata keçirilib.

    “Report” Türkiyə KİV-inə istinadən xəbər verir ki, "twitter" mikrobloqu vasitəsilə bəzi hesablardan R.T.Ərdoğan, Ə.Davudoğlu və bir sıra nazirlərin ünvanına təhqir məzmunlu mesajlar və postlar yazılması səbəbi ilə istintaq başladılıb.

    İstintaqın gedişatında "kaan_kursat" adlı istifadəçi nəzarətə götürülüb. Bu istifadəçi yanvarın 1 və 7-də digər hesablara "Bu qədər iddialıyam, artıq sizi "twitter"in qurucusu da tapa bilməz" və "VPN ya da Tor istifadə etsəniz belə, heç kim yerinizi müəyyən edə bilməz, rahat olun, halal olsun dostlar" şəklində postlar yazaraq digər istifadəçiləri istiqamətləndirdiyi müəyyən olunub.

    İstanbul Prokurorluğu şəxsiyyətləri təyin olunan istifadəçilərin nəzarətə alınmasını və istifadə etdikləri cihazların araşdırılmasını tələb edib. Bununla da polis "kaan_kursat" hesabının istifadəçisi Vəli H.K.-ya aid iki fərqli "twitter" hesabına sahib Serpil İ. və Serap K. istintaqa cəlb olunaraq saxlanılıb. Polis şöbəsində sorğulanan şübhəlilər ədliyyəyə göndərilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi