Bakı. 1 noyabr. REPORT.AZ/ Türkiyənin Şanlıurfa əyalətinin Siverek rayonunun Ediz kəndinin sakinləri səsvermədən imtina ediblər.
"Report" xəbər verir ki, bu haqda Türkiyə KİV-i məlumat yayıb.
Məlumata görə, rayon mərkəzindən 8 km aralı yerləşən Edizin sakinləri kəndə yol salınmamasına etiraz olaraq, səsvermədə iştirak etməyiblər.
Kənddə 142 seçici var. İzzət Polatoğlu adlı kənd sakini bildirib ki, Ediz Şanlıurfa-Siverek avtomobil yolundan 800 metr aralı yerləşir: "İllər uzunudur bütün qurumlara müraciət etmişik. Ancaq yolumuzu çəkmirlər. Buna etiraz olaraq, sakinlər səsverməyə getmir".