​Türkiyədə qətlə yetirilən prokurorun adı əbədiləşdirilib

Bakı. 1 aprel. REPORT.AZ/ İstanbul Çağlayan Ədliyyə Sarayına prokuror Mehmet Selim Kirazın adı verilib.

"Report" "Anadolu" agentliyinə istinadən xəbər verir ki, bu barədə Türkiyənin baş naziri Əhməd Davudoğlu bildirib.

Onun sözlərinə görə, bundan sonra Çağlayan Ədliyyə Sarayı Mehmet Selim Kiraz adına Ədliyyə Sarayı adlanacaq.

Xatırladaq ki, martın 31-də İstanbul prokuroru Mehmet Selim Kiraz vəzifə başında qətlə yetirilib.