Yuxarı

​Türkiyədə müvəqqəti hökumətin tərkibi elan edilib - SİYAHI

Dəniz Baykala da bu kabinetdə yer verilib

Bakı. 26 avqust. REPORT.AZ/ Türkiyədə müvəqqəti hökumətin qurulması ilə bağlı Çankaya köşkündə toplantı keçirilib.

"Report" Türkiyə KİV-inə istinadən xəbər verir ki, müvəqqəti hökumətin siyahısı aşağıdakı kimi müəyyənləşdirilib:

Cümhuriyyət Xalq Partiyasından (CHP) 5 millət vəkili:

Ərdoğan Toprak, Ayşə Gülsün Bilgehan Toker, İlhan Kesici, Dəniz Baykal, Təkin Bingöl.

Milliyyətçi Hərəkat Partiyasından (MHP) 3 millət vəkili:

Kenan Tanrıkulu, Toğrul Türkeş, Meral Akşənər.

Xalqların Demokratik Partiyasından (HDP) 3 millət vəkili:

Müslüm Ümdoğan, Levent Tüzel, Ali Haydar Konça.

Kabinetdəki qalan yerlər AKP-yə verilib.

Adları siyahıda yer alan şəxslər sabah yerli vaxtla saat 18:00-dək yazılı cavab verməlidirlər.

Qeyd edək ki, ötən gün Türkiyə prezidenti Rəcəb Tayyib Ərdoğan Ədalət və İnkişaf Partiyasının sədri Əhməd Davudoğluna müvəqqəti hökuməti qurmağı tapşırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi