Bakı. 27 sentyabr. REPORT.AZ/ İstanbulun Anadolu rayon Prokrorluğunun Fətullahçı Terror Təşkilatı (FETÖ) ilə bağlı apardığı istintaq çərçivəsində "Kimse Yox Mu" ictimai təşkilatına qarşı cinayət işi başlanıb.
"Report" "Haberturk"ə istinadən xəbər verir ki, ictimai birliyin 121 üzvü barəsində həbs qətimkan tədbiri seçilib.
Məlumata görə, birlik Qurban bayramı ilə bağlı toplanan ianə pullarını FETÖ-yə ötürməkdə ittiham olunur.
Qeyd edək ki, "Kimse Yokmu" Həmrəylik və Yardımlaşma Dərnəyi 2004-cü ildə İstanbulda yaradılıb. Türkiyə Nazirlər Kabineti birliyi cəmiyyətin mənafeyi üçün çalışan təşkilat kimi qeydə alıb.