​Türkiyədə FETÖ istintaqı ilə əlaqədar 12 jurnalist həbs olunub

Bakı. 5 avqust. REPORT.AZ/ Türkiyədə Fətullahçı terror təşkilatının (FETÖ) dövlət çevrilişi cəhdi ilə əlaqədar istintaqa cəlb olunmuş 12 jurnalist həbs olunub.

"Report"un məlumatına görə, bu barədə "Habertürk" xəbər yayıb. 

Məlumata görə, İstanbul Cümhuriyyət Prokurorluğu tərəfindən başlanan təhqiqat prosesi çərçivəsində saxlanılanlar arasında "Zaman" qəzetinin keçmiş yazarları, o cümlədən Mümtazer Türköne də var.

Daha 2 nəfər isə məhkəmə prosesinə qədər sərbəst buraxılıb.