Yuxarı

Türkiyədə dövlət çevrilişi cəhdinə görə bəzi səfirlər vəzifəsindən kənarlaşdırılacaq

Mövlud Çavuşoğlu: Türkiyə XİN dövlətin sirlərinin olduğu qurumdur

Bakı. 25 iyul. REPORT.AZ/ "Türkiyədə Fətullahçı terror təşkilatının (FETÖ) uğursuz dövlət çevrilişi cəhdi ilə bağlı səfirlər səviyyəsində vəzifəsindən kənarlaşdırılanlar olacaq". 

"Report" "Haberturk"ə istinadən xəbər verir ki, bunu Türkiyənin xarici işlər naziri Mövlud Çavuşoğlu bildirib. 

Onun sözlərinə görə, FETÖ üzvlərinin Türkiyə XİN-ə sızmasını kadrlar şöbəsində təmsil olunan şəxslər təşkil ediblər: "Türkiyə XİN-ə işə qəbul zamanı klassik formada imtahan keçirilir. Yəni imtahanda türk dilindən ingilis dilinə və əksinə tərcümə olur. Ancaq suallar və cavablar imtahandan əvvəl iştirakçılara paylanıb. Nəticədə nazirlikdəki mühüm postlara bu şəxslər yerləşdirilib. Hətta onlardan 34 nəfərini Nazirlər Kabinetinə də göndərmişik. Halbuki Türkiyə XİN dövlətin sirlərinə malik qurumdur. Çünki mühüm danışıqlar nazirliyimiz vasitəsilə həyata keçirilir. Ona görə də həmin xainlərin nazirliyə sızmasının qarşısı alınmaslıdır. Bu səbəbdən vəzifəsindən kənarlaşdırılanlar olacaq". 

Nazir Türkiyə XİN-də çalışan həmin şəxslərin xarici dilləri zəif bildiklərini və qeyri-peşəkar olduqlarını bildirib: "Bunları nəzərdən keçiririk. Hətta baş katiblik imtahanına 95 nəfər girib, 90 nəfər keçib. Halbuki normal şərtlərdə 1-2 nəfər keçər, 10 faiz heç vaxt keçməz". 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi