Yuxarı
    Bağlamaq

    Türkiyədə dövlət çevrilişi cəhdində həlak olanların yaxınlarına və yaralılara ödəniləcək təzminatın məbləği açıqlanıb

    Onlara aylıq müavinət də veriləcək

    Bakı. 29 iyul. REPORT.AZ/ Türkiyədə dövlət çevrilişi cəhdinin qarşısını alarkən həlak olanların yaxınlarına 88 596 TL təzminat ödəniləcək.

    "Report" "Haberturk"ə istinadən xəbər verir ki, Dövlət Sosial Müdafiə Fondu (SGK) həlak olanların yaxınları və yaralananlara aylıq müavinət olaraq ən azı 3 203 TL verəcək. 

    Bundan başqa, tibb orqanlarının rəyinə əsasən sağlamlıq vəziyyətinə görə, başqasının qulluğuna möhtac olan əlillərə 177 192 TL, Digər əlillərə isə əlillik dərəcələrinə görə 22 149 - 66 447 TL, yaralananlara da yaralanma dərəcələrinə görə 17 719 TL təzminat ödəniləcək. 

    Eyni zamanda, məmurlardan ölənlərin yaxınlarına və tibb orqanlarının rəyinə əsasən sağlamlıq vəziyyətinə görə başqasının qulluğuna möhtac olan əlillərə ən yüksən dövlət qulluqçusu müavinəti, digər əlillərə isə işlədikləri zaman aldıqları əmək haqqı nəzərə alınaraq 30 il dövlət qulluğunda çalşmış kimi təqaüd veriləcək.  

    Həmçinin, digər dövlət qurumları həlak olanların yaxınları və tibb orqanlarının rəyinə əsasən sağlamlıq vəziyyətinə görə başqasının qulluğuna möhtac olan əlillərə 150 613 TL, başqa əlillərə isə 101 885 TL məbləğində əlavə təzminat ödəyəcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi