Yuxarı

Türkiyədə dövlət çevrilişi cəhdi ilə bağlı iki səfir işdən çıxarılıb

Hazırda onların hər ikisi Türkiyə Xarici İşlər Nazirliyində çalışırdı

Bakı. 26 iyul. REPORT.AZ/ Türkiyədə dövlət çevrilişi cəhdi ilə bağlı iki səfir işdən çıxarılıb. 

"Report" Türkiyə KİV-inə istinadən xəbər verir ki, onlardan biri 2012-2014-cü illərdə Türkiyənin Kanadadakı fövqəladə və səlahiyyətli səfiri olmuş Tuncay Babalıdır. 

Digəri isə Türkiyənin UNESCO yanında daimi nümayəndəsi olmuş səfir Gürcan Balıkdır. Bu şəxs eyni zamanda vaxtilə Türkiyənin 11-ci prezidenti Abdullah Gül və sabiq xarici işlər naziri Əhməd Davudoğlunun müşaviri vəzifələrində də çalışıb. Hətta Gürkan Balık Əhməd Davudoğlunu Türkiyənin xarici işlər naziri olduğu dönəmdə ABŞ-da Fətullah Gülənlə də görüşdürüb. 

Hazırda onların hər ikisi Türkiyə Xarici İşlər Nazirliyində çalışırdı. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi