Türkiyədə avtobus aşıb, bir nəfər ölüb, 38 nəfər yaralanıb

Bakı. 8 may. REPORT.AZ/ Türkiyənin Çorum əyalətində avtobusun qəzaya uğraması nəticəsində bir nəfər ölüb, 38 nəfər yaralanıb.

“Report” CNNTürk-ə istinadən xəbər verir ki, hadisə əyalətin Mecitözü rayonunun Elvan Çelebi yaşayış məntəqəsi yaxınlığında baş verib. 

İnformasiyaya əsasən, avtobus Antalyadan Tokata doğru hərəkət edirmiş.

Hadisənin səbəbləri araşdırılır.