Yuxarı
    Bağlamaq

    Türkiyədə Akıncı hərbi hava bazası bağlanacaq

    Binəli Yıldırım: Hərbi baza ölkədə dövlət çevrilişi cəhdinin qarşısını alarkən həlak olan vətəndaşların xatirəsinin yaşadılacağı məkana çevriləcək

    Bakı. 29 iyul. REPORT.AZ/ Türkiyə Silahlı Qüvvələrinin sərəncamında olan Akıncı hərbi hava bazası bağlanacaq. 

    "Report" "Anadolu"ya istinadən xəbər verir ki, bunu Türkiyənin baş naziri Binəli Yıldırım Ankaranın Kazan rayonunda vətəndaşlarla görüşərkən bildirib.  

    Onun sözlərinə görə, hərbi baza ölkədə dövlət çevrilişi cəhdinin qarşısını alarkən həlak olan vətəndaşların xatirəsinin yaşadılacağı məkana çevriləcək: "Həmin gün Ankara və İstanbulda tankların küçələrə çıxarıldığı, helikopterlərin havaya qaldırıldığı bütün hərbi hissələri bağlayırıq. Axı tankların şəhər mərkəzlərində nə işi var? Düşmən olduğu yer məlumdur, Ankara və İstanbulda deyil". 

    Qeyd edək ki, Türkiyədə iyulun 15-də dövlət çevrilişinə cəhd göstərən bir qrup hərbçi Akıncı hərbi hava bazasından qərargah kimi istifadə edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi