Türkiyədə 731 hərbçini zəhərləməkdə şübhəli bilinən 24 nəfər tutulub

Bakı. 19 iyun. REPORT.AZ/ Türkiyədə yemək vasitəsilə 731 hərbçini zəhərləməkdə şübhəli bilinən 24 nəfər tutulub.

“Report” "Habertürk"ə istinadən xəbər verir ki, bunu Manisa valisi Mustafa Hakan Güvençer bildirib.

Onun sözlərinə görə, zəhərlənən hərbçilərin 17-sinin müalicəsi hospitalda davam etdirilir.

Qeyd edək ki, hadisə iyunun 18-də baş verib. Bundan əvvəl mayın 23-ü, iyunun 16 və 17-də də Manisadakı hərbi hissədə hərbçilərin yeməkdən zəhərlənməsi halları qeydə alınıb.