Türkiyədə 5 terrorçu zərərsizləşdirilib

Bakı. 11 iyun. REPORT.AZ/ Türkiyədə bir neçə terrorçu zərərsizləşdirilib.

"Report" Türkiyə mətbuatına istinadən xəbər verir ki, bununla bağlı əməliyyat Şırnak vilayətində, Bestler Dərələrdə keçirilib.

Məlumata görə, təhlükəsizlik qüvvələri terrorçuların mövqelərinə hava zərbələri endiriblər. Əməliyyat zamanı PKK terror qruplaşmasının 5 silahlısı məhv edilib. Bununla da iyunun 8-dən davam edən antiterror əməliyyatı zamanı məhv edilən terrorçuların sayı 19 nəfərə yüksəlib.

Bölgədəki əməliyyatın davam etdiyi bildirilir.