Yuxarı
    Bağlamaq

    Türkiyədə 126 general və admiral barəsində həbs qətimkan tədbiri seçilib

    3 general-mayor və 1 kontr-admiral sərbəst buaxılıb, 1 general-mayor və 1 general-polkovnikin istintaqı davam edir

    Bakı. 23 iyul. REPORT.AZ/ Türkiyədə dövlət çevrilişi cəhdinə görə 133 general və admiral saxlanılıb. 

    "Report"un "Anadolu"ya istinadən verdiyi məlumatına görə, onlardan 126 nəfəri barəsində məhkəmənin qərarı ilə həbs qətimkan tədbiri seçilib. Həmin hərbçilərə qarşı "Türkiyədə silahlı üsyana təşəbbüs göstərmək", "Qanunvericilik orqanının işinin əngəlləməsinə təşəbbüs göstərmək", "Konstitusiyanı pozmaq", "Prezidentə sui-qəsd və hücum", "Silahlı terror təşkilatı yaratmaq və idarə etmək", "Silahlı terror təşkilatına üzv olmaq", "Çevrilişə təşəbbüs göstərmək" və s. ittihamlar irəli sürülüb.  

    Məlumata görə, 3 general-mayor və 1 kontr-admiral sərbəst buaxılıb, 1 general-mayor və 1 general-polkovnikin istintaqı davam edir. 

    Həmçinin 1 general-mayor barəsində saxlanılma qərarı verilib. 

    Qeyd edək ki, Türkiyədə iyulun 15-də baş vermiş uğursuz dövlət çevrilişi cəhdinin qarşısının alınması zamanı 246 nəfər həlak olub, 2 185 nəfər yaralanıb. Dövlət çevrilişi cəhdinə görə 10 607 nəfər saxlanılıb, 4 496 nəfər barəsində həbs qətimkan tədbiri seçilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi