Yuxarı
    Bağlamaq

    Türkiyə XİN başçısı terrorizmə qarşı mübarizədə Qərbdən qətiyyətli dəstək gözləyir

    Bəzi Qərb ölkələri Türkiyədəki dövlət çevrilişi cəhdinin uğurlu olmasını istəyirdi

    Bakı. 4 yanvar. REPORT.AZ/ "15 iyul hadisələrindən sonra bəzi ölkələr, xüsusilə də Qərb ölkələri səhvlər buraxdı. Onların bəziləri hətta dövlət çevrilişinə cəhdin uğurlu olmasını istəyirdi. Bu cəhd uğursuz alınınca onlar bu məsələ ilə bağlı təəssüflərini bildirdilər".

    "Report" xəbər verir ki, bunu "Anadolu" agentliyində keçirdiyi mətbuat konfransında Türkiyənin xarici işlər naziri Mövlud Çavuşoğlu deyib.

    O, 15 iyul olayından sonra Böyük Britaniyanın Avropa işləri naziri istisna olmaqla, heç bir avropalı nazirin uzun müddət Türkiyəyə səyahət etmədiyini vurğulayıb: "Sonradan Qərb ölkələri öz səhvlərini başa düşdülər. Ancaq biz gözlədiyimiz dəstəyi görmədik. Ardıcıl terror aktlarından sonra dəstək hiss elədik. Bir çox XİN başçıları başsağlığı verməyə, sosial şəbəkələrdə qeydlər etməyə başladı. Bizim Qərbdəki dostlarımızdan ən önəmli gözləntimiz terrorizmə qarşı mübarizədə qətiyyətli dəstəkdir".

    XİN başçısı, həmçinin Türkiyənin Avropa İttifaqı üzvlüyünə qəbulu məsələsi ilə bağlı danışıqlara, eləcə də Aİ-nin terrorla mübarizədə Türkiyə qanunlarına dəyişikliklərin edilməsi tələbinə toxunub. M.Çavuşoğlu Aİ-nin tələblərinin hazırda yerinə yetirilə bilinməyəcəyini bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi