Yuxarı

Türkiyə və Suriya prezidentləri Moskvada görüşə bilər

Görüş Rusiya prezidenti Vladimir Putinin müşayiəti ilə keçiriləcək

Bakı. 3 sentyabr. REPORT.AZ/ Türkiyə prezidenti Rəcəb Tayyib Ərdoğanla Suriyanın dövlət başçısı Bəşşar Əsəd Moskvada görüşə bilər.

"Report" "Fars" agentliyinə istinadən xəbər verir ki, bu barədə Livanda çıxan "Əs-Səfir" qəzeti məlumat yayıb.

Xəbərdə bildirilib ki, görüş Rusiya prezidenti Vladimir Putinin iştirakı ilə keçiriləcək. 

Məlumata görə, tərəflər arasında görüş barədə razılıq Ərdoğanın Moskvaya səfəri zamanı əldə edilib. Vasitəçiliyi isə Rusiya prezidenti Vladimir Putinin etdiyi qeyd olunub.

Xəbərdə vurğulanıb ki, Türkiyə Milli Kəşfiyyat Təşkilatının sədri Hakan Fidan sentyabrın 10-da və ya 15-də Ərdoğanla Əsədin görüşünün detallarını müzakirə etmək məqsədilə Dəməşqə səfər edəcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi