Bakı. 8 sentyabr. REPORT.AZ/ Türkiyə Silahlı Qüvvələri İraqın şimalındakı terrorçu PKK-nın 20 hədəfini vurması nəticəsində 40-a yaxın terrorçu məhv edilib.
"Report" xəbər verir ki, bu haqda Türkiyə KİV-i məlumat yayıb.
Məlumata görə, terrorçuların İraqın şimalındakı Kandil, Hakkurk, Avaşın, Metina, Basyan, Gare və Zap dağlarındakı düşərgələri bombalanıb. Əməliyyat yerli vaxtla gecə 23.00-dan səhər 05.00-dək davam edib.
Türkiyədən qaçan 20-25 terrorçudan ibarət qrup da atəşə tutulub. İlkin məlumatlara əsasən, 40-a yaxın terrorçu məhv edilib.
Bununla belə təsbit edilən hədəflər vurularkən, çoxlu sayda terrorçunun zərərsizləşdirildiyi də bildirilib.
Əməliyyatda 53 "F-16" və "F-4" döyüş təyyarələrindən istifadə edilib.