Yuxarı
    Bağlamaq

    Türkiyə terrorçu PKK-nın Suriyadakı qolunun mövqelərinə aviazərbələr endirib

    Nəticədə 160-200 terrorçu məhv edilib

    Bakı. 20 oktyabr. REPORT.AZ/ Türkiyə Silahlı Qüvvələri "Fırat Kalkanı" ("Fərat qalxanı") antiterror əməliyyatı çərçivəsində Suriyada terrorçu "PYD" və "YPG"nin (terrorçu PKK qruplaşmasının Suriyadakı qolları) mövqelərinə aviazərbələr endirib. 

    "Report" "Haberturk"ə istinadən xəbər verir ki, Türkiyə ordusu ümumilikdə terrorçuların 18 hədəfini bombalayıb. 

    Onlardan 7-si hərəkətli olub. Vurulan hədəflər arasında zirehli avtomobil, terrorçuların başçılarının fəaliyyət göstərdikləri qərargah və sığınacaq da var. İlkin informasiyaya görə, nəticədə təxminən 160-200 terrorçu məhv edilib.  

    Məlumata görə, aviazərbələr terror qruplaşmasının Suriyanın Maarrat Umm Hauş bölgəsindəki hədəflərinə endirilib.
    Maarrat Umm Hauş Suriyanın şimalında yerləşən Hələb əyalətinin rayonlarından biridir.  

    Qeyd edək ki, "Fırat kalkanı" antiterror əməliyyatı ölkənin terrorçulardan təmizlənməsi məqsədi ilə Suriya Azadlıq Ordusuna dəstək verir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi