Yuxarı
    Bağlamaq

    ​Türkiyə tarixində ən böyük narkotik əməliyyatı keçirilib

    Qaçaqçıların məqsədi narkotik maddələri Türkiyədən dəniz yolu ilə Körfəz dövlətlərinə aparmaqmış

    Bakı. 20 noyabr. REPORT.AZ/ Türkiyənin Hatay bölgəsində iki ayrı yerdə keçirilən əməliyyat nəticəsində 10 milyon 926 min ədəd narkotik həb aşkarlanaraq götürülüb.

    "Report" "Anadolu" agentliyinə istinadən xəbər verir ki, bu haqda Türkiyənin Daxili İşlər Nazirliyi məlumat yayıb.

    Məlumata görə, bu, ölkə tarixində keçirilən ən böyük narkotik həb əməliyyatı sayılır.

    Xəbərdə bildirilib ki, əməliyyat zamanı xüsusi təlim keçmiş itlərdən də istifadə edilib.

    Suriyada istehsal edilən narkotik həblər qaçaq yolla Türkiyəyə gətirilib. Qaçaqçıların məqsədi narkotik maddələri Türkiyədən dəniz yolu ilə Körfəz dövlətlərinə aparmaq olub.

    Həblər 1300 boş maşın yağı süzgəcinə qablaşdırılıb. Narkotik qaçaqmalçılığına görə 3 nəfər saxlanılıb. Onlardan ikisi Türkiyə vətəndaşı, biri isə suriyalıdır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi