Türkiyə tankları Suriya sərhədini keçib və ölkənin içərisinə doğru hərəkət edir

Bakı. 24 avqust. REPORT.AZ/ Türkiyə Silahlı Qüvvələrinə məxsus tanklar Suriya ərazisinə daxil olub.

"Report" Türkiyə KİV-inə istinadən xəbər verir ki, bu haqda ölkənin hərbi mənbələri məlumat yayıb. 

İnformasiyaya görə, "Fırat Kalkanı" adlı əməliyyat çərçivəsində Türkiyə tankları Suriyanın şimalında sərhədi keçərək bu ölkənin içərisinə doğru hərəkət etməyə başlayıb.

Hərbi mənbələr bildirib ki, Türkiyə-Suriya sərhədində ağır döyüşlər gedir.