Bakı. 9 fevral. REPORT.AZ/ Suriyanın Hələb vilayətində davam edən şiddətli döyüşlərdən qaçaraq Türkiyə ilə sərhəd rayonlara toplaşan on minlərlə Suriyalı üçün çadır şəhərciyi qurulacaq.
"Report"un "Hürriyet" qəzetinə istinadən verdiyi xəbərə görə, bu barədə Türkiyə rəsmiləri məlumat veriblər.
Sayıları 25-30 min olan qaçqınların Türkiyə ərazisinə ancaq "fövqəladə hallarda" keçə biləcəyini bildirən Ankara rəsmiləri, hazırda ölkə ərazisində 2.7 milyon suriyalının olduğuna diqqət çəkiblər.
Bununla belə, Türkiyə ilə sərhədin yaxınlığında qurulan çadır şəhərciyinə ərzaq və dərman yardımı Türkiyədən göndərilir.