Yuxarı

Türkiyə-Suriya sərhədində güclü partlayış: 44 ölü, 140 yaralı var - VİDEO - YENİLƏNİB-2

İŞİD partlayışa görə məsuliyyəti öz üzərinə götürüb

İlk xəbər 13:05-də verilib

Bakı. 27 iyul. REPORT.AZ/ Türkiyə-Suriya sərhədində güclü partlayış baş verib. 

"Report" Türkiyə KİV-inə istinadən xəbər verir ki, hadisə Suriyanın şimalındakı Haseke vilayətinin Qamışlı rayonunda, Hilal qovşağı yolunda baş verib. 

Məlumata görə, PKK-nın Suriya qanadı sayılan PYD-nin qərargahı qarşısında minalanmış yük avtomobili partladılıb. 

Eyni zamanda, hadisədə 30 evə ciddi zərər dəyib. 

Suriya dövlət agentliyi (SANA) patlayışda 44 nəfərin öldüyünü, 140 nəfərin yaralandığını, mərkəzi qərargahı Londonda yerləşən Suriya İnsan Haqlarını Müşahidə Şurası isə aralarında mülki vətəndaşların da olduğu 14 nəfərin öldüyünü açıqlayıb. 

"Reuters"in xəbərinə görə, İŞİD partlayışa görə məsuliyyəti öz üzərinə götürüb. 

Məlumatda, həmçinin Türkiyənin Mardin vilayətinin Nusaybin rayonunda partlayış nəticəsində qırılan şüşələrin 2 nəfəri yaraladığı vurğulanıb. Yaralılar Mehmet Sait Biçen (68) və Nasrettin Dikkat (76) Nusaybin Dövlət Xəstəxanasına qaldırılıblar. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi