Yuxarı
    Bağlamaq

    ​Türkiyə şirkəti "Qazprom"u məhkəməyə verib

    Qazprom Türkiyəyə satdığı qazın qiymətinin endiriləcəyi haqda vədinə əməl etməyib

    Bakı. 27 oktyabr. REPORT.AZ/ Türkiyə Rusiyadan təbii qaz alması ilə bağlı müqavilənin şərtlərinə yenidən baxılması üçün Arbitraj Məhkəməsində iddia qaldırıb.

    "Report" "Bloomberg"ə istinadən xəbər verir ki, bu haqda Türkiyənin Energetika Nazirliyi bildirib.

    Türkiyənin "Botas" dövlət şirkəti 2014-cü il dekabrın 29-da Rusiyanın "Qazprom eksport" şirkəti ilə imzaladığı müqaviləyə yenidən baxılmasını tələb edir. Məsələ ilə bağlı "Botas" "Qazprom eksport"u məlumatlandırıb.

    Məlumata görə, tərəflər Türkiyəyə ixrac edilən Rusiya qazının qiymətinin ucuzlaşacağı haqda ötən il razılaşıblar.

    Həmin anlaşmaya əsasən, Rusiya şirkəti endirim edəcəyini vəd verib. Ancaq ötən müddət ərzində "Qazprom ekport" əməli addım atmayıb.

    Qeyd edək ki, Türkiyə Rusiya təbii qazının ikinci ən böyük alıcısdır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi