Türkiyə, Rusiya və İranın XİN başçıları Moskvada görüşəcək

Bakı. 25 aprel. REPORT.AZ/ Türkiyənin xarici işlər naziri Mövlud Çavuşoğlu, Rusiyanın XİN başçısı Sergey Lavrov və onların iranlı həmkarı Məhəmmədcavad Zərif aprelin 28-də Moskvada görüşəcək.

“Report” Türkiyə KİV-inə istinadən xəbər verir ki, XİN başçıları Suriyadakı vəziyyəti müzakirə edəcəklər.

Qeyd edək ki, bu, aprelin 15-də ABŞ, Böyük Britaniya və Fransanın Suriyada Bəşşar Əsəd rejiminə məxsus kimyəvi obyektləri bombalamasından sonra nazirlərin ilk görüşdü.