Yuxarı
    Bağlamaq

    Türkiyə prezidentinin İrana səfərində müzakirə ediləcəyi gözlənilən mövzular açıqlanıb

    Ərdoğan İranın ali rəhbəri ayətullah Seyid Əli Xamneyi, ölkə prezidenti Həsən Ruhani ilə görüşlər keçirəcək

    Bakı. 6 aprel. REPORT.AZ/ Aprelin 7-də Türkiyə prezidenti Rəcəb Tayyib Ərdoğan Türkiyə-İran Ali İşbirliyi Şurasının ikinci toplantısında iştirak etmək üçün Tehrana səfər edəcək.

    "Report" Türkiyə KİV-inə istinadən xəbər verir ki, Ərdoğan İranın ali rəhbəri ayətullah Seyid Əli Xamneyi, ölkə prezidenti Həsən Ruhani ilə görüşlər keçirəcək.

    Səfər çərçivəsində dünyadakı, o cümlədən bölgədəki, eləcə də Yəmən, İraq və Suriyadakı vəziyyətin, ikitərəfli münasibətlərə dair məsələlərin müzakirə ediləcəyi gözlənilir.

    Bundan başqa, atom-nüvə proqramı üzrə "altılıq" (ABŞ, Almaniya, Britaniya, Fransa, Rusiya, Çin) dövlətləri ilə İran arasında əldə edilən razılaşmanın dəyərləndiriləcəyi planlaşdırılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi