Yuxarı
    Bağlamaq

    Türkiyə prezidenti Suriyada yeni hədəfi açıqlayıb

    Türkiyə hər hansı şəkildə Suriya ərazisinə nəzarəti əldə saxlamaq niyyətində deyil

    Bakı. 2 mart. REPORT.AZ/ Suriyanın Əl-Bab şəhərini azad etdikdən sonra Türkiyə Silahlı Qüvvətlərinin dəstəklədiyi Suriya azadlıq ordusunun yeni hədəfi Münbiç şəhəri olacaq.

    "Report" "Anadolu" agentliyinə istinadən xəbər verir ki, bu barədə türkiyə Prezidenti Rəcəb Tayyib Ərdoğan bildirib.

    Onun sözlərinə görə, PYD (PKK-nın Suriya qanadı) terrorçuları şəhərdə yaşayan etnik ərəblərə məxsus Münbiç şəhərini tərk etməlidirlər.

    Türkiyə prezidenti deyib ki, PYD terrorçuları tərəfindən yaradılmış Suriya Demokratik Qüvvələri (SDG) Rakkaya hücumda iştirak etməməlidir.

    R.T.Ərdoğan Türkiyənin antiterror əməliyyatlarına Rusiya ilə əməkdaşlıq şəklində davam edə biləcəyini də istisna etməyib: "Müvafiq təklif alsaq, Rusiya ilə birlikdə mübarizə apara bilərik."

    Dövlət başçısı vurğulayıb ki, Türkiyə hər hansı şəkildə Suriya ərazisinə nəzarəti əldə saxlamaq niyyətində deyil.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi