Yuxarı
    Bağlamaq

    ​Türkiyə prezidenti Rusiyaya səfər edəcək

    Səfir Ümit Yardım: Bu il Rusiya Dövlət Dumasının sədri Sergey Narışkinin də Türkiyəyə səfəri gözlənilir

    Bakı. 10 aprel. REPORT.AZ/ Bu ilin sonunda Türkiyə prezidenti Rəcəb Tayyib Ərdoğan Rusiyaya səfər edəcək.

    "Report" "TASS"a istinadən xəbər verir ki, bu barədə Türkiyənin Rusiyadakı səfiri Ümit Yardım Rusiya Federasiya Şurası sədrinin müavini İlyas Umaxanovla görüşdə bildirib.

    "Cari ilin sonunda Türkiyə prezidenti Rəcəb Tayyib Ərdoğanın Rusiyaya səfəri planlaşdırılıb",- səfir deyib.

    O qeyd edib ki, 2015-ci il iyunun 7-də parlament seçkiləri keçiriləcək: "Seçkinin ardınca hökumət formalaşdırılacaq. Səfərin də bundan sonra gerçəkləşdiriləcəyi gözlənilir".

    Səfirin sözlərinə görə, bu il Rusiya Dövlət Dumasının sədri Sergey Narışkinin də Türkiyəyə səfəri nəzərdə tutulub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi