Yuxarı
    Bağlamaq

    Türkiyə prezidenti Belarusda rəsmi səfərdədir

    Rəcəb Tayyib Ərdoğanla Aleksandr Lukaşenko Türkiyə-Belarus biznes forumuna qatılacaq

    Bakı. 11 noyabr. REPORT.AZ/ Türkiyə prezidenti Rəcəb Tayyib Ərdoğan Belarusda rəsmi səfərdədir.

    “Report” BelTA-ya istinadən xəbər verir ki, Minskin Milli Hava Limanında onu Belarusun baş naziri Andrey Kobyakov qarşılayıb.

    Məlumata görə, Minskin Müstəqillik Sarayında Türkiyə prezidentinin belaruslu həmkarı Aleksandr Lukaşenko ilə görüşü keçiriləcək. Prezidentlər iki ölkə arasında əməkdaşlığın inkişafına dair məsələləri ətraflı müzakirə edəcəklər. 

    Eyni zamanda, Rəcəb Tayyib Ərdoğanla Aleksandr Lukaşenko Türkiyə-Belarus biznes forumuna qatılacaq.

    Bundan başqa, dövlət başçılarının iştirakı ilə Minskdə məscidin təntənəli açılışı olacaq. Qeyd edək ki, 1890-cı ildə həmin yerdə tikilən məscidi 1962-ci ildə dağıdıblar. 2014-cü ildə məscidin inşasına başlanılıb. 

    Hazırda Belarusda 100 minə yaxın müsəlman yaşayır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi