Yuxarı

​Türkiyə öz hərbçilərinə Rusiyada istirahəti qadağan edib

Müvafiq göstəriş bütün növ qoşunların hərbi qulluqçularına şamil edilib

Bakı. 13 dekabr. REPORT.AZ/ Türkiyə Silahlı Qüvvələrinin Baş Qərargahı Moskva və Ankara arasında davam etməkdə olan gərginlik fonunda öz hərbçilərinə Rusiyada məzuniyyət keçirməyi qadağan edib.

"Report" "Anadolu"ya istinadən xəbər verir ki, əmrə əsasən, hərbçilər istənilən xarici səfər zamanı mütləq icazə almalı və ətraflı məlumat verməlidirlər.

Müvafiq göstəriş bütün növ qoşunların hərbi qulluqçularına şamil edilib.

İki ölkə arasında münasibətlər Rusiya "Su-24" təyyarəsinin Türkiyə tərəfindən vurulmasından sonra gərginləşib. Hadisə nəticəsində 1 pilot ölüb, digəri xilas ola bilib.

Rusiya Türkiyəyə qarşı qadağalar tətbiq edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi