Türkiyə ordusu və SAO Suriyanın daha 6 kəndini terrorçulardan təmizləyib

Bakı. 7 sentyabr. REPORT.AZ/ Türkiyə Silahlı Qüvvələrinin dəstəyi ilə Suriya Azadlıq Ordusu (SAO) Suriyanın daha 6 kəndini terrorçu İŞİD qruplaşmasından təmizləyib.

"Report" Haber7-yə istinadən xəbər verir ki, "Fırat kalkanı" antiterror əməliyyatının 15-ci günü Suriyanın daha 6 kəndi terrorçulardan azad edilib.

İnformasiyaya əsasən, hazırda Vukuf, Sadvi, Əl-Əyyubiyalı, Şandi, Sinekli və Əbubiyat kəndlərinə Suriya Azadlıq Ordusu nəzarət edir.