Türkiyə müsəlmanlara zəkat çağırışı etdi

Türkiyədə zəkatların toplanılaraq haqq sahiblərinə çatdırılmasına icazə verilir.

“Report” “Haber7”yə istinadən xəbər verir ki, bu barədə Türkiyənin Dini İşlər üzrə İdarəsinin yaydığı açıqlamada vurğulanıb.

Bildirilib ki, bu günlərdə koronavirusa görə bir sıra ehtiyaclar yaranıb. Zəkat həmin ehtiyacların ödənilməsinə müəyyən qədər köməklik edər.

Zəkat (ərəbcə: زكاة, çoxaltma, təmizlik) müsəlmanların verdiyi, Quranda buyurulmuş, toplanma qaydası və həcmi şəriət qanunları ilə müəyyənləşdirilmiş dini vergidir. Yəni bir şəxsə ildə bir dəfə, fərz olan “zəkatını ver" deyildiyində “ malını təmizlə”– deyilir. Zəkat verməyən bir şəxs malının bərəkətini görmədiyi kimi, əzaba düçar olar. Zəkat islamın beş rüknlərindən biri hesab olunur (xristianlıqda buna bənzər şəri vergi desyatindir). Nəzəri cəhətdən bu vergi icmanın ehtiyaclarına sərf olunur və yoxsul müsəlmanlar arasında bölüşdürülür. İldə bir dəfə bəzi şeylər üçün təyin edilmiş zəkat müəyyən müddətdə (hicri təqvimi ilə) verilir. Zəkatı zəkat vacib olan şəxs ödəyir. Zəkat əl-fitr (fitrə) ailənin hər bir üzvündən ramazan ayında, orucluq tamam olan gün verdiyi zəkat növüdür və eyd əl-fitr günlərində sədəqə kimi paylanır. Vergilərin hər ikisi ancaq imkanlı müsəlmanlardan tutulur. Zəkatın adi məbləği illik gəlirin 2,5 faizini təşkil edir, lakin müsəlman ilahiyyatçıları arasında zəkatın məbləği və vergi tutulmalı olan əmlakın növləri məsələsində fikir ayrılığı var.