Yuxarı
    Bağlamaq

    Türkiyə hökuməti 9 deputatın toxunulmazlıq hüququnun ləğvini istəyir

    Qanun layihəsi baş nazirin müavini Yalçın Akdoğanın imzası ilə ölkə parlamentinə təqdim edilib

    Bakı. 30 iyul. REPORT.AZ/ Türkiyə hökuməti aralarında Xalqların Demokratik Partiyasının (HDP) Şırnakdan olan millət vəkili Faysal Sarıyıldızın da olduğu 9 nəfər barəsində deputat toxunulmazlığı hüququnun ləğv edilməsi haqqında qanun layihəsini ölkə parlamentinə göndərib.

    "Report"un "Anadolu"ya istinadən verdiyi məlumata görə, F.Sarıyıldız terror təşkilatına silah təmin etməkdə ittiham olunur.

    Qanun layihəsi Türkiyə baş nazirinin müavini Yalçın Akdoğanın imzası ilə ölkə parlamentinə təqdim edilib.

    Bundan əlavə, Cümhuriyyət Xalq Partiyasının (CHP) sədri Kamal Kılıcdaroğlu, CHP sədrinin müavini Haluk Koç, CHP-nin baş katibi, İstanbuldan seçilmiş millət vəkili Gürsel Təkin, CHP-nin İstanbuldan seçilmiş millət vəkili Aykut Erdoğdu, CHP-nin Mərsindən seçilmiş millət vəkili Aytuğ Atıcı, Ədalət və İnkişaf Partiyasının (AKP) Osmaniyədən seçilmiş millət vəkili Suat Önal, HDP-nin parlament fraksiyasının sədr müavini Pervin Buldanın da deputat toxunulmazlığı hüququnun ləğv edilməsi istənilir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi