Yuxarı

​Türkiyə baş naziri postuna namizəd prezident idarəçilik sistemini dəstəklədiyini bildirib

Binəli Yıldırım ƏİP-nin növbədənkənar qurultayında çıxış edib

Bakı. 22 may. REPORT.AZ/ Türkiyənin hakim Ədalət və İnkişaf Partiyasının sədri və ölkənin baş naziri postlarına namizəd Binəli Yıldırım dövlətin prezident idarəçilik sisteminə keçməsi mövqeyindən çıxış edib.

"Report" xəbər verir ki, bu barədə o ƏİP-nin bazar günü keçirilən növbədənkənar qurultayında çıxışı zamanı bildirib.

Qurultayda partiyaya yeni sədr seçiləcək və həmin şəxsin ölkənin yeni baş naziri olacağı gözlənilir. Bu posta Yıldırımın yeganə namizədliyi irəli sürülüb.

"Tunellər, qatarlar və yollar, bütün bunlar çox yaxşıdır. Lakin bizim bir nöqsanımız var: bizə yeni konstitusiya və prezident sistemi lazımdır. Bu gün bizə lazım olan şey, bunu hüquqi müstəviyə gətirməkdir", — deyə Yıldırım bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi