Bakı. 17 fevral. REPORT.AZ/ Türkiyənin hakim Ədalət və İnkişaf Partiyasının nümayəndəsi Ömər Çelik Ankarada hərbçilərin yataqxanası yaxınlığında törədilən partlayışı terror aktı adlandırıb.
"Report" xəbər verir ki, bu barədə "Reuters" məlumat yayıb.
Partlayış nəticəsində 5 nəfər ölüb, 10 nəfər yaralanıb.
İlkin məlumatlara görə, bomba yataqxana yaxınlığında dayanmış avtomobildə yerləşdirilib.
Hadisə ilə əlaqədar Türkiyənin baş naziri Əhməd Davudoğlu Brüsselə səfərini təxirə salıb.