Yuxarı

Türkiyə ABŞ-dan Fətullah Gülənin 60 gün müddətinə həbsini tələb edib

Rəsmi Ankara Vaşinqtona iki cinayət işinin materiallarını göndərib

Bakı. 19 iyul. REPORT.AZ/ Türkiyə ABŞ-dan Fətullah Gülənin ekstradisiyasınadək müvəqqəti olaraq 60 gün müddətinə həbsini tələb edib. 

"Report" Türkiyə KİV-inə istinadən xəbər verir ki, rəsmi Ankara iki ölkə arasındakı anlaşma əsasında Vaşinqtona iki cinayət işinin materiallarını göndərib. 

Məlumata görə, Türkiyə ABŞ Ədliyyə Nazirliyi və Dövlət Departamentinə 2 müxtəlif müraciət göndərib. ABŞ Dövlət Departamentindən Fətullah Gülənin ekstradisiyasının Türkiyəyə bildirilməsi, ABŞ Ədliyyə Nazirliyindən isə həbsi istənilib. F.Gülən silahlı terror təşkilatı yaratmaq və idarə etməkdə təqsirləndirilir. Məktublarda Bursa məhkəməsinin qiyabi həbs tələbi və detalları, həmçinin İstanbul 14-cü Ağır Cəza Məhkəməsinin 17 dekabr 2015-ci il tarixli həbs qərarı əksini tapıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi