Yuxarı

​"Turkish Airlines"ə məxsus təyyarə terror təhlükəsi səbəbindən təcili eniş edib

Nyu-Yorkdan İstanbula uçan Airbus A330 Kanadaya enib

Bakı. 22 noyabr. REPORT.AZ/ "Turkish Airlines" aviaşirkətinə məxsus təyyarə Kanadanın Halifaks şəhərinə təcili eniş edib.

"Report" "LifeNews" telekanalına istinadən xəbər verir ki, Nyu-Yorkdan İstanbul istiqamətində hərəkətdə olan "Airbus A330" terror təhlükəsi səbəbindən təcili eniş istəyib.

Təhlükə barədə məlumat təyyarə uçduqdan və eşelona çıxdıqdan sonra son dərəcə yüksəklikdə olduğu zaman daxil olub.

Layner uğurlu eniş edib, zərər çəkən olmayıb. Təyyarəyə fövqəladə xidmətin əməkdaşları cəlb edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi