Yuxarı
    Bağlamaq

    "Turkish Airlines" Bakı və Gəncə istiqamətləri də daxil olmaqla 395 reysi təxirə salıb

    Buna İstanbula yağan güclü qar səbəb olub

    Bakı. 7 yanvar. REPORT.AZ/ "Turkish Airlines" aviaşirkəti Bakı və Gəncə istiqamətləri də daxil olmaqla İstanbuldan 7 yanvar tarixinə planlaşdırılan 395 daxili və xarici reysi təxirə salıb.

    "Report" xəbər verir ki, buna Türkiyənin qərb hissəsinə yağan güclü qar və pis hava şəraiti səbəb olub.

    Təxirə salınan aviareyslər "Atatürk" (İstanbulun Avropa hissəsi) və "Səbiha Gökçan" aeroportlarından (Şəhərin Asiya hissəsi) yerinə yetirilməli idi.

    İstanbuldan Bakıya "TK 338" saylı, Gəncəyə isə "TK 328" aviareyslər təxirə salınıb. Hər iki reyslə uçmalı olan təyyarələr bu gün səhər saatlarında Azərbaycanda eniş etməli idilər.

    Atatürk Beynəlxalq Hava Limanı hava şəraiti ilə əlaqədar aviaəlaqə üçün tamamilə bağlanıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi