Bakı. 3 sentyabr. REPORT.AZ/ Fətullahçı terror təşkilatı (FETÖ) ilə bağlı istintaq əməliyyatı çərçivəsində Türkiyənin "Türk Telekom" şirkətinin 58 işçisi şübhəli qismində saxlanılıb.
"Report" "Sabah"a istinadən xəbər verir ki, şübhəlilərdən 37-si barəsində həbs qətimkan tədbiri seçilib.
Məlumata görə, 21 şübhəli isə məhkəmə nəzarəti altında qalmaqla sərbəst buraxılıb. Bundan başqa, daha 31 şübhəlinin axtarışları davam edir.
Xəbərdə bildirilib ki, FETÖ-yə qarşı ilk əməliyyatlar zamanı şirkətin 11 işçisi tutulmuşdu.