Bakı. 19 iyul. REPORT.AZ/Tiflisin mərkəzində "Stop Russia!" şüarı altında Rusiyanın Abxaziya və Cənubi Osetiyada apardığı siyasət və Gürcüstan hökümətinin Moskva ilə münasibətləri əleyhinə kütləvi aksiya keçirilib.
"Report"un BBC-yə istinadən verdiyi məlumata görə, aksiya iştirakçıları "Rusiya işğalçıdır!", "Düşmənlə əməkdaşlığa - yox!" şüarları yazılmış plakatlar qaldırmışdılar.
Aksiya ötən gün Gürcüstan höküməti binası önündə keçirilib.
Aksiyada çıxış edənlər Gürcüstanın Rusiya tərəfindən "işğalına" və Gürcüstan rəsmilərinin Moskvanın hərəkətləri qarşısında pasivlik nümayiş etdirmələrilə bağlı etirazlarını söyləmişdilər.