Bakı. 31 mart. REPORT.AZ/ Bu gün Tiflisin Nodar Dumbadze adına Gənc Tamaşaçılar Teatrında Azərbaycan dilində "Seviliya bərbəri" opera əsərinin kukla tamaşası olacaq.
"Report" Gürcüstan KİV-inə istinadən xəbər verir ki, bu haqda Gürcüstanın Barışıq və vətəndaş bərabərliyi üzrə Dövlət Nazirliyinin mətbuat xidmətindən bildirilib.
Tamaşaya Marneuli rayonunun ümumtəhsil məktəblərində oxuyan 50 azərbaycanlı birnci və ikinci sinif şagirdləri dəvət edilib. Onlarla yanaşı, tamaşaya Gürcüstanın barışıq və vətəndaş bərabərliyi üzrə dövlət naziri də tamaşa edəcək.
Tədbir BMT-nin Gürcüstandakı "Gürcüstanda milli inteqrasiyanın gücləndirilməsi" Assosiasiyası, Marneuli Gənclər Mərkəzinin birgə layihəsi çərçivəsində keçirilir.