Gürcüstanın paytaxtı Tbilisiyə güclü dolu yağıb.
“Report”un Gürcüstan bürosu xəbər verir ki, intensiv yağıntı şəhərin ətraf Qldani, Diğomi, Vazisubani, Varketili və Sanzona rayonlarında problemlər yaradıb.
Hava şəraiti ilə bağlı Fövqəladə Halların İdarə olunması Xidmətinə sakinlərdən zənglər daxil olub. Dolu zamanı xəsarət alanların olmadığı bildirilir.