Gürcüstanın paytaxtı Tbilisidə hava şəraiti kəskin dəyişib.
“Report”un Gürcüstan bürosu xəbər verir ki, şəhərdə güclü yağış və külək müşahidə olunur.
Havanın pisləşməsi ilə bağlı Tbilisinin mərkəzi Rustaveli prospektində Müstəqillik günü ilə əlaqədar təşkil olunmuş sərgi və pavilyonlar müvəqqəti bağlanıb.
Güclü külək pavilyonlarda konstruksiyaların dağılmasına səbəb olub.
Tədbir təşkilatçıları hava şəraiti ilə bağlı bayram proqramına hələ hər hansı bir dəyişiklik etməyi planlaşdırmırlar.
Proqrama əsasən, saat 20:00-da bayram şənliklərinə qala konsertlə yekun vurulmalıdır.
Qeyd edək ki, bu gün Gürcüstanda Müstəqillik günü qeyd olunur.