Yuxarı
    Bağlamaq

    Tacikistanın xüsusi təyinatlı "Alfa" qrupunun komandiri həlak olub

    Rüstəm Amakiyev gecə saatlarında Ramit dərəsində general Abduxalim Nazarzodanın dəstəsi ilə döyüşdə həyatını itirib

    Bakı. 16 sentyabr. REPORT.AZ/ Tacikistan müdafiə nazirinin keçmiş müavini general Abduxalim Nazarzodanın silahlılarına qarşı döyüşdə ölkənin Dövlət Təhlükəsizlik Komitəsinin xüsusi təyinatlı "Alfa" qrupunun komandiri həlak olub.

    "Report" xəbər verir ki, bu haqda Tacikistan KİV-i məlumat yayıb.

    Xəbərə görə, "Alfa"nın komandiri Rüstəm Amakiyev gecə saatlarında Ramit dərəsində generalın dəstəsi ilə döyüşdə həyatını itirib. Məlumatda bildirilib ki, həmin döyüşdə "Alfa"nın bir döyüşçüsü, Xüsusi Təyinatlı Polis Dəstəsinin 2 əməkdaşı da həlak olub, güc strukturlarının bir neçə hərbçisi yaralanıb.

    Xatırladaq ki, sentyabrın 4-də Düşənbə və Vəhdət şəhərlərinə silahlıların basqını nəticəsində Daxili İşlər Nazirliyinin 9 əməkdaşı öldürülüb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi