Yuxarı

​Tacikistan soyadlardakı slavyan sonluqlardan imtina edib

Dəyişikliklərə əsasən, -zod, -iyn, -fər, -pur və başqa bu kimi soyad sonluqları qəbul edilə bilər

Bakı. 29 aprel. REPORT.AZ/ Tacikistan hakimiyyəti prezident Emoməli Rahmonun soyadlardakı slavyan sonluqlardan imtina edilməsi haqda təşəbbüsünü dəstəkləyib.

"Report" Tacikistanın "Avesta" agentliyinə istinadən xəbər verir ki, bunu Respublika Vətəndaş Vəziyyəti Aktlarının Qeydiyyatı İdarəsinin rəis müavini Caloliddin Rahimov jurnalistlər üçün keçirdiyi brifinqdə bildirib.

Məlumata görə, aprelin 29-dan etbarən dünyaya gələn körpələrə Vətəndaş Vəziyyəti Aktlarının Qeydiyyatı İdarəsində tacik sonluğu ilə soyadlar yazılacaq.

Dəyişikliklərə əsasən, "-zod", "-iyn", "-fər", "-pur" və başqa bu kimi soyad sonluqları qəbul edilə bilər.

"Öz övladlarına "-ov", "-yev" kimi soyad sonluqları götürmək istəyən valideynlərlə profilaktiki söhbətlər aparılacaq", - deyə Caloliddin Rahimov vurğulayıb.

Qeyd edək ki, Tacikistan prezidenti Emoməli Rahmon 2007-ci ildə uyğun təşəbbüsü irəli sürərək, soyadının sonluğundakı "-ov" şəkilçisindən imtina edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi