Bakı. 10 oktyabr. REPORT.AZ/ Türkiyədə iğtişaşlar başlayandan indiyədək 28 nəfər ölüb, 150 nəfərdən artıq insan yaralanıb, 400-ə yaxın şəxs isə saxlanılıb. "Report" "RİA-Novosti"yə istinadən xəbər verir ki, Türkiyədə kürdlərin Kobani şəhərində vəziyyətin gərginləşməsi fonunda ölkə hökumətinin hərəkətə keçməməsi ilə bağlı başlatdıqları aksiyalar səngimək bilmir,
Etirazçılar polislərə hücum edir, mağazaların vitrinlərini sındırmağa davam edirlər. Hökumət nümayəndələri ilə ciddi toqquşmalar əsasən Türkiyənin Suriya ilə sərhəd əyalətlərində müşahidə olunur.
Qeyd edək ki, Kobani şəhəri artıq üç həftədir ki, "İslam Dövləti" terror qruplaşmasının hücumlarına məruz qalıb. İŞİD yaraqlıları işğal olunmuş ərazilərdə kürdləri məhv etməyə çalışırlar.