Bakı. 20 fevral. REPORT.AZ/ Suriyada avtomobilin partladılması nəticəsində Rusiyanın 4 hərbçisi ölüb, 2-si yaralanıb.
“Report” TASS-a istinadən xəbər verir ki, məlumatı bu gün Rusiyanın Müdafiə Nazirliyi yayıb.
İnformasiyaya əsasən, hadisə fevralın 16-da baş verib. Hərbçilərin avtomobil karvanı Suriyanın Tiyas rayonundakı hava limanından Homs şəhərinə doğru hərəkət edərkən partlayış olub.
Həkimlər Rusiyanın yaralı iki hərbçisini həyata qaytarmağa çalışır.