Son iki ayda Rusiyada 150-dən çox uşaq suda boğulub

Bakı. 8 avqust. REPORT.AZ/ Son iki ayda Rusiyada 150-dən çox uşaq suda boğulub.

“Report” TASS-a istinadən xəbər verir ki, bunu Rusiya prezidentinin uşaq hüquqlarının müdafiəsi üzrə səlahiyyətli nümayəndəsi Anna Kuznetsova Soçidə leysan yağışları nəticəsində 3 uşağın ölməsindən danışarkən bildirib.

Onun sözlərinə görə, planlı yay tətillərinə cəlb edilməyən uşaqlar arasında ölüm hadisələri daha çox olur: “Uşaqların yay tətillərinin planlı formada keçirilməsi əsas məqsədlərdəndir. 2017-ci ildə uşaqların 8 faizi yay tətillərini mütəşəkkil formda keçirib”.